سامحنى يا ابوية... انا خنت تربيتكمع انى ع ايدك
كان سيدى وسيدك
الحق والاخلاق
لكن خلاص يابا .. اتغيرت وخلاص
مبقاش ويا الناس
ينفع اقول اخلاص
ما يكسب فيها الا...الكاذب الافاق
سامحنى يا اغلى الناس
شايفنى كالالماس
لكن يا ابوية خلاص...واحد انا والناس
ع الرقاب انا ادوس
والحق تمنه فلوس
الخسة نهشت روحى..والدم والاحساس
سامحنى يا غالى
اصل ابنك الغالى
ربيته ع الغالى ..واهو اعلن الافلاس
افلاسه من اخلاقه
من ارضه من اصله
افلاسه من الاحساس
لا يحركه الدم
ولا يجرحه ذم
ولا يمسه الهم
...............واحد انا والناس
لا ضمير ولا تأنيب
ولا غم فى يوم يصيب
اخلق انا النصيب..ولا عمرى يوم انداس
دنيتى دنيا دنية
خطفتنى سرقتنى
احلامى سلبتنى
كسرتنى ما سابتنى...الا ف ايدين وسواس
خناس يخون ما يصون
الغالى ليه ما يهون
ما دمت لازم اكون
.................واحد انا والناس
ليست هناك تعليقات:
إرسال تعليق